1- يارب فرحه !
---------------------------
في كل حته في أرضنا نعمه
وفكل بحر دموع ... في بسمه
ارفع ايديك للي خلقك وادعي ...
يارب يبقي الفرح هوا اللي في القسمه !
---------------------------
يارب يبقى الفرح هوا اللي في القسمه
امنيه بهديها لكل واحد بيقرا الكلام ده دلوقتي
ويارب تكون بدايه بجد تسعدكم علي مدار كل الرباعيات اللي هنزلها عالبلوج هنا باذن الله
واللي لما ابتديت اكتبها كنت ...
بهرب
وببعد
وبخاف
وبحب
وبصرخ
وبضحك
وبدعي
وبقول
(يارب فرحه)
يارب يكون المضمون زي العنوان
ويارب دايما الفرحه في قلوبكم
وتعيشوا بيها ... وتعيشوا ليها
---------------------------------
يارب مكونش ضيف تقيل عليكم
ويارب دايما عندكم السعاده والفرحه .
محمد نبيل الدمرداش
----------------------------------
1- يارب فرحه !
---------------------------
في كل حته في أرضنا نعمه
وفكل بحر دموع ... في بسمه
ارفع ايديك للي خلقك وادعي ...
يارب يبقي الفرح هوا اللي في القسمه !
يارب :)
10-4-2009
هناك ٦ تعليقات:
يارب يا ليكو
يااااااااااااااااااارب ايامنا كلنا تكون فرحة
وبادينا احنا اللي نخليها فرحة
وبادينا احنا اللي نخليها حزن
نحاول علي قد ما نقدر نبعد الحزن
وننادي ع الفرح
ونفتح شبابيك احلامنا
ونحلم بالمستقبل
وندعي ربنا انه يكون فيه الخير لينا
رجوعك جميل
رجوع بفرحة
يارب تدوم وتدوم
دمت بكل ود
:)
السلام عليكم ورحمة الله وبركاته
عمرك ما كنت ضيف وعمرك ماكنت تقيل
لأنك بجد انسان جميل تيتحق كل الخير
في كل حته في أرضنا نعمه
وفكل بحر دموع ... في بسمه
ارفع ايديك للي خلقك وادعي ...
يارب يبقي الفرح هوا اللي في القسمه !
يارب
آمين
تحياتي
الى اللقاء
ربنا يفرحك دايما
بجد من كتر ما بقت الفرحه بتبعد اوى وبين كل فرح وفرحه بقت سنين وشهور بقينا بجد ديما نقول يارب انهارده او بكره او حتى بعده فرحه تسلم ايدك ويجعل كل ايامكم فرحه فى فرحه
يا رب فرحة؟!!
ــــــــــــــــــــــــــــــــــ
أتمنى أن يستجيب الله لك حقا..
جميلة بدايتك وجميلة تلك الصورة التي وضعتها في التدوينة, وأتمنى أن يبارك الله لك في مدونتك الجديدة وتمتعنا برباعياتك..
أما عن الضيف الثقيل فليت كل المدونين ضيوف ثقلاء...
__________________________________
سفروته :
شكرا لاحساسك ...
kemet :
وعليكم "السلام"
وسلام القلوب "أجمل فرحه"
مديح :
وجودك هنا اكيد اسعدني .
طوبه ذهب وطوبه فضه :
الرفحه مش بعيده ... احنا اللي مش شايفينها .
محاوله لكسر الصمت :
هي مجرد محاوله لكسر الحزن ...
لعلها تصيب ..
شكرا لكل من رد .
إرسال تعليق